OCVP Logo

Republic of Somaliland
Ministry of National Planning and Development


Wasiirka Wasaaradda Qorshaynta Qaranka Somaliland ayaa Xafiiskiisa ku qaabilay wafti ka socda EU-da iyo Wadamadda Somaliland ka taageera dhinac horumarmka

Kulankan oo ka qabsoomay Xarunta Wasaaradda Qorshaynta Qaranka ayaa wasiirka Wasaaradda Qorshaynta Qaranka Mud. Maxamed Ibraahim Adam (Qabyo-tire) dhinciisa waxa ku wehilnayey Wasiirku-xigeenka Wasaaradda Mud. Kaysar C/laahi Maxamed, Agaasimaha Waaxda Qorshaynta ee Wasaaradda iyo xubno ka mida gudida gacanta ku haysa diyaarinta Qorshaha labaad ee Qaranka NDP2 ka mida Agaasimayasha

Waftigan oo ay hogaaminayso safiirka EU-da ee Wadamadda Somaliland iyo Somaliya Ms. Veronique Lorenzo waxa ku wehelinayey Safiirka Dalka Denmark ee dalalka Somaliland iyo Somaliya, xubno ka socday waddamada UK, Ireland, France and Netherlands.

Ujeedada waftigan uu dalka u yimid ayaa ahayd xogogaal u noqoshada arimo la xidhiidha dhinaca horumarka sida Qorshaha labaad ee Horumarinta Qaranka NDP2 kaasoo ay diyaarintaa gacanta ku hayso Wasaaradda Qorshaynta Qaranka, Mashaariicda horumarinta ee ay taageeraan wadamada ku bahoobay Sanduuqa Horumarinta Somaliland ee SDF,Arimaha Doorashooyinka, Abaaraha iyo Mucaawinooyinka gaarka ah ee Somaliland loogu talagay.

Waftigan ayaa intii uu kulanku socday waxay warbixino ku saabsan arimahaasi aynu soo sheegnay ka dhaqaysteen Wasiirka Qorshaynta iyo Wasiirka Ku-xigeenka waxaanay masuuliyiintani waftiga uga warameen xaalada abaaraha iyo baaxada ay leedahay iyagoo xusey inay daba dheeratay islamarkaana ay saamaysay noloshii dadka iyo duunyadaba guud ahaan dalka oo dhan. Waxa kale ay ka dhawaajiyeen sida ay lagama-maarmaanka u tahay in beesha caalamku kaalin wayn ka qaadato gurmadka abaaraha iyadoo labada dhanka kalena dhinaca ka wada hadleen sidii looga gaashaaman lahaa abaarahan soo noqnoqonayaa taasoo u baahan qorshe wax ku ool ah.

Waxyaaba kale ee kulanka lagaga wad hadlay wax aka mid ahaa arimaha doorashada oo ay masuuliyiintan Wasaaradda Qorshaynta Qaranku sheegeen in ay xukuumadd ahaan ka go’antahay inay doorashadu xiligeedi qabsoomto balse ay jiraan ayey yidhaahdeen abaaro ba’an oo saameeyey guud ahaanba noloshii bulshada, taasina ay carqalad ku keeni karto doorashadu inay xiligii loo asteeyey ku dhacdo.

Waxa kale oo ay labada dhinac ka wada hadleen nidaamka mucaawinooyinka u gaarka ah somaliland ee loo yaqaano (Somaliland Special Arrangement) oo ay Wasiirka Qorshaynta iyo ku-xigeenkusuba kala hadleen waftiga iyagoo sheegay inay muhiim tahay arintaasi si waafiya looga wada hadlo heshiisna laga gaadho si halkiisii looga sii ambo-qaado maadama uu kii hore dhamaaday waxaana loo balamay in kulamo danbe lagu gorfayn doono arintaas.

Waxa kale oo kulanka si wayn loogu lafa-guray qorsha Labaad ee Horumarinta Qaranka iyadoo ay kulanka ku sugnaayeen gudida gacanta ku haysa diyaarinta Qorshaha Labaad ee Horumarinta Qaranka. Waxa warbixn ku saabsan waxyaabihii u qabsoomay, halka ay wax u marayaan iyo qorshaha u yaalaba ka bixiyey Mud. Mubaaark C/laahi Ibraahim (Dalji) oo ah Agaasimaha Waaxda Qorshaynta ee Wasaaradda Qorshaynta waxa iyaguna dhinacdooda soo dhaweeyey qorshan labaad ee Horumarinta Qaranka somaliland xubnihii ka socday waftiga oo balan qaaday inay qaybtooda ka qaadan doonaan hirgalinta qorshan.

 

Tobabarkan oo ay fulintiisa iska kaashadeen sanduuqa Horumarinta somaliland ee SDF iyo ururka saxafiyiinta Somaliland ee SOLJA ayay u jeedadiisu ahayd sidii kor loogu qaadi lahaa aqoonta iyo xirfada Saxafiyiinta  Somaliland ee la xidhiidha nidaamka war baahinta ,laguna jihayn lahaa horumarka iyo arimaha bulshada .Mudada ay tobabarkan qaadanayaan oo ah mudo 15 maalmood ah waxay qaadan doonaan casharo la xidhiidha tabinta wararka, qorida wararka iyo inay aqoon buuxda u yeeshaan shuruuradaha looga baahan yahay wariyayaasha .

Ugu horeyn waxaa xaflada ka hadlay Guudoomiyaha ururka saxafiyiinta somaliland mudane Maxamed Cabdi Muxumed (Xuuto)waxaanu ka warbixiyey muhiimada uu xanbaarsan yahay tobabarkani ,sidoo kale waxa uu ku booriyey kasoo qayb galayaasha tobabarkan in ay ka jeedsadaan arimaha siyaasada ay baahinayaan oo ay u jeedsadaan dhinaca wararka  horumarka .

Wasiir ku xigeenka wasaaradda qorshaynta qaranka mudane Keyser Abdilahi ayaa waxaa uu si dheer uga hadlay xoriyada saxaafada somaliland inuu yahay mid aad loo ilaaliyey isla markaana at Saxafiyiintu si xor ah u tabiyaan wararkooda iyadoon wax dhiba loogeysanayn.

Tababarkan waxaa si rasmi ah u furay wasiirka warfaafinta iyo wacyigalinta somaliland mudane Cisman Saxardiid (Cadaani) waxaanu sheegay inay ayaan daro tahay inay warbaahinteenu badanaa ay ku mashquusho siyaasad iyo waxyaabaha la midka ah isagoo ka qaybgalayaasha kula dardaarmay inay u jeestaan dhinaca horumarka,oo ay ka mid yihiin wax soosaarka iyo huraminta adeegyada bulshada . Intii tobabarkani socday ayaa waxaa lagu soo bandhigay daraasad ku saabsan dabagalka qaar kamida wargaysyada kasoo baxa somaliland oo lagu eegayey waxyaabaha ay qoraan sida siyaasada , arimaha bulshada, horumarka iyo deegaanka .Natiijada ka soo baxday daraasadan ayaa noqotay inay warbaahinada badankoodu ku mashquuleen siyaasad.

 

Shirkan oo ka qabsoomay xafiiska Hayada UNDP ee magalaada hargeysa waxaa ka soo qayb galay laamaha kala duwan ee Hayadaha qaramada midoobay,haayadaha samafalka iyo sidoo kale dhamaan ururada ka shaqeeya gurmadka deg dega , waxaana lagaga  arinsanayay sidii ay laamaha  qaramada midoobay gacan ugagaysan lahaayeen abaaraha soo noqnoday ee ka taagan soomaliland abaaraha ka taagan gobalada bariga Somaliland.

Intii shirkani socday ayaa waxaa war bixino laga dhagaystay waaxa kala duwan ee caafimadka.

Wasiir ku xigeenka wasaarada qorshaynta qaranka Mudane Keyser Abdilahi oo isagu gudoominayey shirkan ayaa ka war bixiyey  ujeedada shirkan waxaana hadaladii ka mid ahaa “waxaan ka wada hadlaynay sidii ay gacan weyn uga gaysan lahaayeen dhibaatada abaaraha ee ka taagan gobalada bari waxaana halgan isugu yimid dhamaan hayada ka hawl gala Somaliland waxaanan u gudbinayney war bixinaha u dambeeyey halka ay marayaan sidoo kale waxaan ka war bixiney safarkii uu madaxwaynuhu ku tagay gobaladaasi iyo sida ay xukuumada Somaliland heegan ugu jirto habeen iyo maalin inay umadeeda caawiso” Sidoo kale wasiir ku xigeenku waxaa uu sheegay inay imanayaan maalmaha soo socda wafti ad u balaadhan oo ka socda qaramada midoobay oo uu hogaaminayo ku xigeenka qaramada midoobay waxaanay u imanayaan sidii ay uga qayb qaadan lahaayeen arimaha abaaraha ee ka taagan gobalada bariga Somaliland 

Wasiirka cusub ee wasaaradda qorshaynta qaranka mudane Maxamed Ibrahim Adam  (Qabyotire) ayaa  si rasmi ah xilka ugala wareegay wasiirkii hore ee wasaaradda qorshaynta qaranka iyo horumarinta mudane Cali Xusen Ismacil Jirde (Cali Shoombe)

Shirkan jaraa’id oo uu ku wehelinayay Agaasimaha Waaxda Qorshaynta ayaa Agaasimaha Guud ee Wasaaradda Qorshayntu  mudane Xasan Cumar Horri ayaa waxaa uu kaga waramay qorshihii koowaad ee horumarinta 2011-2016 oo hada gabagabo ku dhaw iyo sidoo kale qorshaha labaad ee horumarinta qaranka  2017-2021.

Agaasimaha guud  waxa uu sheegay in ay  wasaaraddu ku mashquulsanayd 10kii bilood ee u dambeeyey diyaarinta qorshahan labaad ee horumarinta qaranka ee 2017-2021, sidoo kale waxay wasaaraddu dib u eegis ku samaysay qorshiihii hore ee qaranka iyadoo la eegayo wixii la qorsheeyay maxaa ka  fulay maxaase ka qabyo ah.

 

Mr. Horri oo kala duwanaanshaha labada qorshe ka hadlaya ayaa yidhi “ Qorshahan labaad waxa uu kaga duwanyahay  qorshihii koowad in  mudnaanta koowaad  la siinayo degmooyinka si ay u soo gudbiyaan qorshayaashooda horumarineed ilaa laga gaadhayo heer qaran, taasoo macnaheedu yahay in laga soo bilaabayo baahiyaha heer degmo ilaa heer qaran”

Agaasimaha guud isagoo ka hadlaya hirgalinta qorshahana waxa uu yidhi “ si uu u hirgalo qorshaha labaad ee horumarinta qaranku waxay wasaaradu kaashan doontaa wasaaradda arimaha gudaha si loo mideeyo nidaamka maamul daadajinta maamulka oo hormuud ka yahay madaxweyne ku xigeenka Somaliland  Mud. C/raxmaan  Cabdilaahi Ismaciil ( saylici ) islamarkaana uu gacanta ku hayo wasiirka arimaha gudaha Somaliland Mud. Yaasiin Xaaji Maxamuud Xiir (Faratoon).

Agaasimaha guud waxa uu baaq u diray qaybaha kala duwan ee  Bulshada reer Somaliland sida ganacsatada,qurba-joogta,bulshada rayidka iyo sidoo kale waxa uu baaq kaa lamida u diray xukuumada qaadhaan bixiyayaasha ,ururada samafalka iyo  qaramada midoobay inay ka qayb qaatan taabagalka qorshaha labaad ee horumarinta wadanka 2017-2021

 

Dhanka kale Agaamiha waaxda qorshaynta ee wasaarada qorshaynta mudane Mubaarik Abdilaahi ( Daljir)  ayaa isna dhankiisa ka warbixiyey qorshihii koowaad horumarinta qaranka waxyaabihii u qabsoomay iyo halka uu hada marayo iyo qorshaha labaad ee horumarineed iyo sidii uu u qabsoomilahaa waxaanu sheegay inay dhawaan safar ugu bixi doonaan dhamaan gobalada dalka si ay wada tashi ula yeeshaan qayabaha bulshada ee kala duwan si loo tixgaliyo baahiyaha gobal kasta oo ka soo bilaabmaysa degmadda.