OCVP Logo

Republic of Somaliland
Ministry of National Planning and Development


Kulanka waxa lagu soo bandhigay warbixin laga soo ururiyay ilo dhaqaaleed kala duwan

 Shirkan Kobaca ilaha dhaqaalaha Somaliland oo uu soo diyaariya Baanka Aduunka, gadhwadeena ay ka ahayd Wasaaradda Qorshayntu waxa uu mudo laba maamlooda ( 16-17kii),March, 2015  ka socday Huteelka Mansoor ee Magaalada Hargeisa.

Shirkan oo ujeedadiisu ahayd Xog ururin ku saabsan sidii kor loogu qaadi lahaa ilaha kobaca dhaqaalaha somaliland ayaa waxaa  ka soo qaybgalay , Wasiirka Wasaaradda Qorshaynta Qaranka Iyo Horumarinta Dr Sa,ad Ali Shire, Xubno Kasocday Baanka Aduunka, Ganacsato ka kala yimid Shirkadaha Wax soo saarka Dalka  ,kuwa isgaadhsiinta, Ururada Bulshada iyo aqoonyahano kale

Mudadii uu shirkani socday waxa lagu soo bandhigay Xogo ku saabsan sidii  kor loogu qaadi laaha ilaha kobaca dhaqaalaha Somaliland

Wasiirka Wasaaradda Qorshaynta Qaranka oo halkaa ka soo jeediyay warbxin dheer ayaa waxa uu kaga waramay qaabka loo maro kobcinta dhaqaalaha oo uu sheegay inay muhiim tahay si mug leh looga faa’iidaysto khayraad dabciiga, taasina lagu gaadho aqoon iyo

hufnaan shaqo oo loo isticmaalo habka wax soo saarka iyo kobcinta dhaqaalaha. Waxaanu xusay in marka  kobaca dhaqaaluhu wanaagsanaado la gaadho horumar dhinaca Siyaasada, Dhaqaalaha iyo arimaha Bulshadaba

 

WasiirkaWasaraadda Qorshaynta Qaranka iyo Wafti uu hogaaminayo ayaa safar shaqo oo qaatay Mudo lix maalmooda kusoo maray Gobalada Saaxil Togdheer,Sool iyo Sanaag. iyagoo gudanaya waajibaadka qaran ee ay ka masuulka yihiin waxay dhawaan socdaal kormeer iyo hawl gal isugu jira ku mareen gobolada bari ee Saaxil, Togdheer, Sool iyo Sanaag, waftigan kormeerka waxa hogaaminayay wasiirka Wasaaradda Qorshaynta Qaranka Dr. Sacad Cali Shire oo ay wehelinayeen Agaasimaha guud ee WQQ&H C/rashiid Axmed Guuleed iyo Agaasimaha waaxda Horumarinta iyo xidhiidhka gobolada ee WQQ&H,Cali C/laahi Daahir.

Tababar ay soo qaban qaabisay Wasaaradda Deegaanka iyo Horumarinta Reer miyiga ayaa lagu qabtay Hotel Ambassador ee Magaalada Hargeisa 16/2/2015, kaasoo u jeedadiisu ahayd sidii qiimayn loogu samayn lahaa  baahida Xirfada shaqaalaha ka hawlgala Wasaaradda Deegaanka iyo Horumarinta Reer Miyiga oo ka kooban 14 Xubnood oo ka kala yimid Gobalada iyo Degmooyinka dalka.

Weftigii Wasiiradda ahaa ee hawlahaa shaqo ku joogay  Dalka kenya ayaa  dib ugu soo laabtay dalka.

Weftigan oo ka koobnaa   sideed xubnood oo kala ahaa shan wasiir, saddex qof oo ahaa lataliyeyaal iyo khabiiro la shaqeeya wasaaradaha qorshaynta, arrimaha dibadda iyo maaliyadda, ayaa todobaadkii hore waxay safar shaqo ugu baxeen dalka Kenya.

Masuuliyiinta Wakaalad Biyaha Hargeisa ee fuliyanaya  Mashruuca Sanduuqa Horumarinta Somaliland ee Wakaalada Biyaha   oo ay wehlinayaan Xubno ka mida Xafiiska Isku xidhka Mashaariicda Sanduuqa Horumarinta Somaliland, ayaa 12.February ,2015 Waxay  socdaal ku soo mareen Deegaanka Hora- Haadley ee laga hirgalinaya dhismayaasha Ceelal cusub oo loogu talagalay in lagu kordhiyo Biyo soo saarka Wakaalada Biyaha Hargiesa.

Mashruucan oo laga maalgalinayo Sanduuq horumarinta Somaliland ayaa waxa loogu talagalay in Deegaanka horo-haadley laga hirgaliyo Ceelal cusub, kuwaasoo ku kordhin doona biyaha Magaalada Hargiesa 2.5 Milyan oo liter maalintiiba. Taas oo wax ka tari doonta biyo yaaraanta magalaada Hargiesa.

 

Ujeedada Socdaalkan ay Masuuliyiintani ku tageen deegaanka Hor- haadlay ayaa ahayd sidii qiimayn loogu samayn lahaa bilowga Mashruuca, si qiimayn sugan loogu sameeyo Mashruuca badhtankiisa iyo dhamaadkiisa.

Masuuliyiintan ayaa waxay  booqdeen goobaha loogu talagalay in laga  qodo ceelasha Biyaha ee Deegaankaasi iyadoo goob kasta ay sharaxaad ka bixinayeen  Mashuuliyiinta Wakaalda Biyaha Hargeisa iyo Engineerka gacanta ku haya hawsha dhismaha Ceelashu

Sida uu sheegay Engineer Axmed oo ka socday Hayadda HUWSUP goob kasta waxay yeelan doonto ee laga dhisi doona :-

  • 12x12M oo lagu soo wareejin doono siliig ama taar loogu talagalay Xayndaabka goobta
  • Qol loogu talagalay in la dhigo Mishiinka (Generator Room)
  • Qolka Ilaalada (Guard Room)
  • Goobta la dhigayo taangiga shidaalka
  • Qolka la dhigayo kaydka shidaalka iyo
  • Goobihii loogu talagalay Musqulaha

 

Khaliif Aw Cabdilaahi oo ka mida Masuuliyiinta Mashruucan ayaa isaganu dhankiisa ka waramaya bilawga mashruucan iyo qorashiisa waxaanu  sheegay “Qorshahani waxa uu ka mid yahay wajiga kowaad uu Sanduuqa Horumarinta Somaliland (SDF) ka taageerayo Wakaalada Biyaha Hargeisa oo ay fulinaysano Hayadda (HUWSUP)  kaasoo loogu talagalay in laga qodo sadax ceel biyood oo ah Ceelal wax soo-saar iyo hal ceel oo loogu talagalay in lagala socdo hadii ay biyaha hoos u dhac ku yimaado iyo xaalada guudba  Waxaana fulinaysa (HUWSUP)” Waxa uu intaa ku daray in  marka Ceelka Kowaad Qasabadaha  laga qaado lagu dari doono ceelka 2aad iyadoo la sii marin doono Daarasalaam, halkaasina loo samayn doono Taangi ay Magaaladu ka cabto iyadoo loo  talaali doona Iskuulka  iyo Xanaanada Degmada marka danbena lagu dari doono ceelka lambar 13 iyadoo halkaasina  dooxa laga talaabin doono laguna dari doono goobta biyaha Geed- Deeble sidaana ay Hargeisa ku tagi doonaan biyuhu.