OCVP Logo

Republic of Somaliland
Ministry of National Planning and Development


Wasiirka wasaaradda khayraadka biyaha Somaliland ayaa dhagax-dhigay ceel biyood cusub oo laga qodayo deegaanka Adhi-cadeeye.

 

Mashruucan oo si rasmiya uu u dhagax dhigay Wasiirka Wasaaradda Khayraadka Biyaha Somaliland mudane Baashe Cali Jaamac, waxa fulinaysa Wasaaradda Khayraadk Biyaha,waxaanu qayb ka yahay mashaariicda horumarineed ee laga maalgalinayo Sanduuqa Horumarinta Somaliland ee SDF, ee loogu talagay sidii bulshada Somaliland gaar ahaan dadka ku dhaqan magaaladda Laascaanood iyo nawaaixigeeda ay u heli lahaayeen biyo ku filan oo nadiifa, kuwaas oo  ay ku iibsan karaan qiimo jaban,

 Xafladdi dhagax dhiga oo lagu qabtay deegaanka Adhicadeeye waxa ka soo qaybalay mashuuliyiin ka tirsan Wasaaradda Biyaha, Badhisaab ku xigeenka gobalka Sool Mud. Cabdirashiid Xirsi Dalmar, Isku-duwaha Wasaaradda Biyaha ee Gobalka Sool Mud. Axmed Maxamuud Xirsi, Maxad-dhaqmeedyo,culimaa’ udiin iyo xubno ka socda ururada bulshada .

Wasiirka Wasaaradda Khayraadka Biyaha Somaliland mudane Baashe Cali Jaamac, oo ka hadlay munaasabadda dhagax dhigay ayaa isagoo ka hadlaya baahida loo qabo biyo macaan oo ay helaan dadka ku dhaqan magaalada laascanood waxa uu yidhi “  Ceelkani wuxuu noqon doona geed-deeblaha laascanood magaalada ugu horaysa ee uu waraabin doona waxay noqon doonta magaalada canjiid, waana ceel biyo macaan waxaana lagu sii  dari doonaa dhaam biyo macaana”.  Wasiir Baashe  waxa kale oo uu kula dardaarmay hawlwadeenadda dhinaca farsamadda inay heegan ugu jiraan marwlaba hawlaha qodida ceelasha lana socdaan hadba wixii ka soo kordha.

Maamulaha mashruuca mudane Maxamed farah ayaa isaguna dhankiisa  faahfaahin kabixiyey marxaladihii kala duwanaa ee uu soo maray mashruuca biyo balladhinta ee magaalada laascaanood isagoo xusay in cilmibaadhis badan oo la sameeyay lagu ogaaday in deeganada Adhi cadeeye iyo tifafle ay yihiin meelaha ugu fiican ee laga heli karo biyo macaan waxaana hadaladiisi

 

Sidoo kalena Badhasaab ku xigeeenka gobalka sool Cabdirashiid Xirsi Dalmar oo munaasabdda ka hadlay ayaa ugu baaqay bulshada deegaanka  inay garab istaagaan mashruuca maadama biyuhu ay yihiin nolosha dadka iyo duunyaba dhana ay uga soo wada jeestaan  horumarka ka socda gobalka.

 

Mashruucu waxa uu ka kooban yahay qodida laba ceel biyood oo riiga  oo laga qodayo deeganada Adhicadeeye iyo tifafle, qorshaha  nidaamka biyo qaybinta magaalada laascanood iyo qodida laba dhaam oo laga qodayo deeganada Guusin iyo Kalajeex.

Xaflad lagu dhagax-dhigayay bilowga dib u dhiska iyo dayactirka cisbitaalka guud ee Ceerigaabo ayaa lagu qabtay magaalada Ceerigaabo. Munaasabaddan ayaa ahayd bilowga howsha dhismaha iyo dayactirka cisbitaalka Ceerigaabo taas oo ah qayb ka mida mashruuca caafimaadka Sool iyo Sanaag. Mashruucan waxa fulinaysa Wasaaradda Caafimaadka Somaliland waxaana maalgaliyay Sanduuqa Horumarinta Somaliland (SDF).

Shirkan oo ka qabsoomay hall-ka shirarka ee wasaaradda qorshaynta qaranka Somaliland ayaa waxaa ka soo qayb galay xubno ka socday golaha wasiiradda oo ay ka mid yihiin wasiirka wasaaradda qorshaynta qaranka Somaliland Mudane Cali Xuseen Ismacil Jirde(Cali Shoombe) ,wasiirka wasaaradda madaxtooyada Mudane Maxamuud Xashi Abdi, wasiirka wasaaradda maaliyada marwo Samsam Abdi Aden iyo Xubno iyagu ka socday  wadamada Somaliland ka taagera doorashooyinka ,Komishanka doorashooyinka qaranka , gudoomiyayaasha laba xisbi ee mucaaradka ah iyo xubno ka socday ururada bulshada .

Wasiiirka wasaaradda qorshaynta qaranka Mudane Cali Ismacil Huseen Jire aya ka warbixiyey ujedada shirkan iyo qodobada ka soo baxay waxaanu yidhi

Ujeedada shirkan ayaa ahayd sidii looga wada hadli lahaa qaadhaanka ku bixi lahaa doorashada iyo dhamaystirka diwaan-galinta codbixiyayaasha.Sida uu wasiirku sheegay ayaa waxaa qorshaysnaa in 75% ay bixiyaan Wadamada qaadhan bixiyayashu halka 35% ay bixiso xukuumada somalilaland laakiin ay u dhacday in jamhuuriyada Somaliland bixisay in ka badan 40% sidoo kale qadhaan bixiyayaasha aan wali laga hayn wixii ay bixin lahaayeen isla markaana ay komishanku soo bandhigeen miisaniyadii loo baahnaa si ay doorashadu uqabsoonto wakhtigii loogu talagalay

Gabagabadii shirkan ayaa waxa laysla qaatay oo   ka soo baxay qodobadan

  • In jamhuuriyada Somaliland diyaar u tahay wixii ku soo aada ee dhinaca qadhaanka
  • Sidoo kale qaadhaan bixiyayaasha ayaa iyagu dhankooda balan qaaday inay mudo yar oo kooban ku soo bixiyaan qaadhaankooda .
  • Xisbiyada siyaasiga ,xukuumada iyo daneeyaashu waxay isla wada qaateen in doorashadu ku dhacdo wakhtigii loogu talagalay

 

Munaasabad dhax-dhig loogu sameenayay bilowga howsha dib u dhiska iyo dayactirka dugsigii Hooyga ahaan jiray ee Dayaxa, ayaa lagu qabtay magaalada Ceerigaabo ee gobolka Sanaag. Munaasabadan ayaa waxay calaamad u tahay bilowga Mashruuca Waxbarashada Sool iyo Sanaag kaas oo ay ujeedadiisu tahay horumarinta helitaanka adeega waxbarashada dugsiga sare ee dadka kunool Gobolada Sool iyo Sanaag, gaar ahaan caruuta ka soo jeedda qoysaska reer guuraaga ah. Mashruucan ayaa waxa maalgaliyay Sanduuqa Horumarinta Somaliland (SDF) waxaana hirgalinaysa Wasaaradda Waxbarashada.

Wasiiru –dawlaha cusub ee wasaarada qorshaynta qaranka iyo horumarinta Somaliland Mudane Cismaan jamac Awcali ayaa manta si rasmi ah xilkii ugala wareegay wasiiru-dawlhii hore ee wasaaradda Mudane Maxamuud Aadan Jamac (Galaal).

Mundasibadan oo ka dhacday xarunta wasaaradda qorshaynta qaranka ayaa waxaa ka soo qayb galay Wasiir ku xigeenka wasaaradda qorshaynta qaranka mudane Kaysar C.Laahi Maxamed,Agaasimaha Guud ee wasaaradda qorshaynta qaranka Mudane Xasan Omar Horri ,Marti sharaf iyo shaqaalaha wasaaradda qorshaynta qaranka .

Ugu horayn waxaa halkaasi ka hadlay Agaasimaha guud ee wasaaradda qorshaynta waxaana hadaladiisii ka mid ahaa “Mundasibadan aynu ku sagootinayno wasiiru dawlaheeni hore mudane Maxamuud Aadan (Galalal)waxaan isna soo dhawaynaynaa wasiiru dawlaha cusub ee wasaaradda mudane Cismaan jamac Awcali waxaan ku leenahay ku soo dhawaw wasaaradda qorshaynta qaranka  sidoo kale waxaa uu agaasimaha guud war bixin ka siiyay wasiiru dawlaha wasaaradda iyo sida ay ushaqayso

Wasiiru- dawlihii hore ee Wasaaradda Qorshaynta Qaranka mud. Maxamuud Aden jamac ( Galaal) ayaa isagoo ka waramaya ahmiyadda Wasaaraddu u leedahay Qaranka wuxu yidhi “Mudo kooban baan wasaaradan joogay ,mudadaana wax badan baan darsay waxaanan ogaaday oo aan yaqiinsaday inay wasaaradani tahay wasaaradda wasaaradaha ugu muhiimsan Somaliland, waxaa kale oo aan ogaaday inay wasaaradani dhalinyarada ugu firfircoon ee ugu aqoonta badan Somaliland ay shaqaalaheeda ka mid  yihiin waxaa kale oo aan runtii soo dhawaynayaa wasiirka cusub oo aan ilahay uga baryayaa inuu xilka ku asturo halkaa aad maraysaana idinkala jaan qaado “

Wasiir-dawlaha Cusub ee Wasaaradda Qorshaynta Mud Cismaan Xasan Awcali  ayaa isaguna dhankiisa waxaa uu u mahad celiyay sida fiican ee loogu soo dhaweeyey wasaaradda waxaana uu shaqalaha u balan qaaday inay sida ugu fiican uwada shaqayn doonaan waxaana hadadiisii ka mid ahaa “albaabkaygu wuu idiin furan yahay wixii aad iiga baahataana diyaar baan idiinla ahay”

Wasiirku-Xigeenka Wasaaradda Qorshaynta Qaranka Mud. Kaysar Cabdilahi Maxamed oo xilka u kala waraeejiyey Labada masuul oo isaguna ka hadlay madasha ayaa sheegay in wasaaradani ay tahay wasaaradaha ugu muhiimsan qaranka Somaliland una shaqeeyaan dhalinyarada ugu aqoonta badan waxaana dhankiisa soo dhaweeyay wasiiru-dawlaha cusub ee wasaaradda qorshaynta qaranka

Gabagabadii waxa halkaasi xilki kula  wareegay Wasiir-dawalaha cusub ee Wasaaradda Qorshaynta Qaranka